Ужо шосты раз на базе эканамічнага факультэта Гомельскага дзяржуніверсітэта адбылася рэгіянальная алімпіяда па кірунку “Эканоміка арганізацыі”. Удзельнікамі інтэлектуальнага спаборніцтва сталі прадстаўнікі пяці каледжаў і ўніверсітэтаў Гомельшчыны: Гомельскага дзяржаўнага аграрна-эканамічнага каледжа, Гомельскага дзяржаўнага тэхнічнага ўніверсітэта імя П.В. Сухога, Беларускага гандлёва-эканамічнага ўніверсітэта спажывецкай кааперацыі, Гомельскага дзяржаўнага ўніверсітэта імя Ф. Скарыны і Мазырскага дзяржаўнага палітэхнічнага каледжа.
З прывітальным словам і пажаданнямі поспеху да прысутных звярнулася загадчык кафедры эканомікі і кіравання ГДУ Іна Бабына.
Навучэнцы каледжаў прапанавалі на суд кампетэнтнага журы свае творчыя візітоўкі і тэарэтычныя веды ў галіне эканомікі арганізацыі. Сярод іх месцы размеркаваліся наступным чынам:
1 месца – Мазырскі дзяржаўны палітэхнічны каледж;
2 месца – Гомельскі дзяржаўны аграрна-эканамічны каледж;
3 месца – Мазырскі дзяржаўны палітэхнічны каледж.
Прадстаўнікі ўніверсітэтаў Гомельскага рэгіёна акрамя творчых візітовак і ведаў тэорыі прэзентавалі членам журы бізнес-праекты па кірунку “Развіццё бізнесу ва ўмовах сервізацыі эканомікі”.
Па выніку першае месца заваявалі прадстаўнікі ГДУ, срэбра дасталося студэнтам Гомельскага тэхнічнага ўніверсітэта, а бронзы ўдастоена каманда БГЭУ СК.
