У кантэксце супрацоўніцтва кафедры англійскай мовы і вядучай IT-кампаніі ТАА «IВА-Гомель-Парк» па павышэнню якасці навучання ангельскай мове студэнтаў IT-спецыяльнасцяў Гомельскага дзяржаўнага ўніверсітэта ім. Ф. Скарыны, прадстаўнікі IT-кампаніі - начальнік аддзела рашэнняў па кіраваннем інфармацыяй і інфраструктурай Iцхакi Лавi і галоўны спецыяліст аддзела Алена Межэйнiкава правялі англамоўны семінар "Мастацтва прэзентацыі праектаў на матэрыяле IT-тэматыкі" для студэнтаў 1 і 2 курсаў факультэта фізікі і інфармацыйных тэхналогій. У семінары прынялі ўдзел і студэнты эканамічнага факультэта, зацікаўленыя ва ўжыванні IT-тэхналогій у вытворчай дзейнасці.
Англамоўны семінар накіраваны на падрыхтоўку студэнтаў да конкурсу праектаў "Аб дасягненнях у IT-прафесіі на англійскай мове», які адбудзецца пры падтрымцы IT-кампаніі 24 красавіка ў ГДУ. Аднак, дадзеная тэма майстар-класа мае універсальна-карысны характар як для акадэмічнай, так і для будучай прафесійнай дзейнасці студэнтаў.
Алена Межэйнiкава і Іцхакi Лаві ў натуральнай, інтэрактыўнай форме на англійскай мове распавялі студэнтам аб прынцыпах складання прэзентацый, якія дапамогуць максімальна дакладна данесці ідэю слухачам, зробяць прэзентацыю візуальна прывабнай, дазавана інфармацыйна-насычанай і будуць утрымліваць увагу аўдыторыі на працягу ўсёй дэманстрацыі праекта.
У онлайн рэжыме пры дапамозе мабільных тэлефонаў студэнты маглі адказаць на пытанні лектараў і прааналізаваць разам атрыманыя вынікі на экране.
Прэзентацыя, паказаная лектарамі на майстар-класе, можа служыць прыкладам для рабят па правільным, максімальна эфектыўнаму складанні дэманстрацый праектаў на матэрыяле IT-тэматыкі і не толькі.
Мы дзякуем прадстаўнікоў ТАА «IBA-Гомель-Парк» Алену Межэйнiкaву і Іцхакi Лаві за надзейную падтрымку, супрацоўніцтва і сумесную працу па павышэнні якасці навучання ангельскай мове студэнтаў IT-спецыяльнасцяў нашага універсітэта.
