З 22 па 27 лістапада ў Белоярске (Расія) адбыўся юбілейны XV Кубак свету сярод нафтавых краін па боксе. У турніры, прысвечаным памяці Фарман Салманова – першаадкрывальніка нафты, прынялі ўдзел больш за сотню вядучых спартсменаў з Расіі, Азербайджана, Арменіі, Беларусі, Бельгіі, Казахстана, Кыргызстана, Латвіі, Літвы, Малдовы, Манголіі, Польшчы, Румыніі, Таджыкістана, Узбекістана, Украіны, Швецыі, Эстоніі і Харватыі. Спаборніцтвы праходзілі ў дзесяці вагавых катэгорыях у мужчын і ў чатырох – у жанчын.

На базе кафедры гісторыі Беларусі адбылася навукова-практычная канферэнцыя “Гомель: старонкі гісторыі”, прысвечаная святкаванню 875-гадовага згадвання Гомеля ў летапісах.

На навуковым форуме былі прадстаўлены даклады, якія пашырылі ўяўленні як пра старажытны перыяд у развіцці горада над Сожам, так і гісторыка-культурныя падзеі ХХ стагоддзя. Прысутныя з цікавасцю выслухалі выступленні выкладчыкаў кафедры гісторыі Беларусі – дацэнтаў В.П. Пічукова, В.А. Міхедзька, старшых выкладчыкаў В.М. Сідарэнка, Н.В. Корнікавай і іншых.