У выставачнай зале ГДУ прайшла музычна-інтэлектуальная гульня “Музычны батл”. У ёй прынялі ўдзел чатыры каманды студэнтаў розных факультэтаў і курсаў.

У мінулую нядзелю па ініцыятыве прафкама супрацоўнікаў універсітэта адбылася экскурсійная паездка ў сталіцу нашай Радзімы горад-герой Мінск.

Супрацоўнікі, якім была прадастаўлена зніжка як членам прафкама, атрымалі магчымасць убачыць горад, пабываць у гістарычных месцах, пазнаёміцца з сучаснай архітэктурай сталіцы і, вядома ж, наведаць Вялікі тэатр Беларусі – адзіны тэатр оперы і балета, найбуйнейшы тэатр у нашай краіне.

З 12 па 16 красавіка на базе спартыўнага комплексу Беларускага дзяржаўнага ўніверсітэта транспарту прайшло першынство горада па баскетболе сярод ВНУ Гомеля.

Студэнты трэцяга курса факультэта замежных моў, якія вывучаюць італьянскую мову, атрымалі ўнікальную магчымасць пагутарыць з носьбітам мовы, паслухаць аўтэнтычную італьянскую гаворку, набыць новыя веды пра краіну. Дыстанцыйнае навучанне арганізавана ў рамках праекта аддзела культуры і друку пасольства Італіі ў Рэспубліцы Беларусь па прасоўванні італьянскай мовы і культуры. Заняткі па практыцы вуснага і пісьмовага маўлення італьянскай мовы праводзіць дацэнт Крысціна Ск'явон.

Адміністрацыя, выкладчыкі, супрацоўнікі і студэнты ГДУ імя Ф. Скарыны дружна прынялі ўдзел у рэспубліканскім суботніку. Калектыў універсітэта актыўна займаўся ўборкай і добраўпарадкаваннем тэрыторыі. Парадак наводзіўся ў навучальных карпусах і аўдыторыях, на прылеглай тэрыторыі і працоўных месцах. Традыцыйна адбылася пасадка саджанцаў маладых дрэў.

XIX рэспубліканская выстава навукова-метадычнай літаратуры, педагагічнага вопыту і творчасці навучэнскай моладзі прайшла на базе Нацыянальнага выставачнага комплексу “Белэкспа” ў Мінску. Мерапрыемства адбылося ў рамках Года народнага адзінства. Яго мэта – абагульненне і распаўсюджванне эфектыўнага педагагічнага вопыту, пошук новых рашэнняў па фарміраванні ў дзяцей і моладзі грамадзянскай адказнасці, патрыятызму, нацыянальнай самасвядомасці і грамадзянскай ідэнтычнасці.

Каманда СНДЛ “Фінансіст і банкір” заняла 1 месца на Міжнароднай міжвузаўскай эканамічнай алімпіядзе “Бізнес-аналіз і кіраванне рызыкамі”, якая праводзілася ў сакавіку-красавіку гэтага года ў расійскім эканамічным універсітэце імя Г.В. Пляханава. У алімпіядзе ўдзельнічала 51 каманда з 23 расійскіх і замежных ВНУ.

У ГДУ імя Францыска Скарыны адбылася традыцыйная акцыя па азеляненні тэрыторый, прылеглых да ўніверсітэта.

9 красавіка ў студэнцкім скверы, непадалёк ад Алеі Герояў, рукамі студэнтаў біялагічнага факультэта было высаджана 30 саджанцаў клёну і ліпы. Выбар дрэў невыпадковы: клён і ліпа лічацца аднымі з найбольш прыстасаваных раслін для высаджвання ва ўмовах горада. Гэтыя пароды непераборлівыя і цягавітыя, а таксама адрозніваюцца вытанчанай прыгажосцю, якая радуе мінакоў практычна ў любую пару года.