Свой юбілей адзначыла прафесар кафедры беларускай мовы, доктар філалагічных навук, прафесар Вольга Аляксееўна Ляшчынская. Ва ўрачыстай абстаноўцы павіншаваць выкладчыцу прыйшлі рэктар ГДУ Сяргей Хахомаў, кіраўніцтва факультэта, калегі, студэнты і нават выпускнікі. Сяргей Анатольевіч падкрэсліў велізарны ўклад Вольгі Аляксееўны ў навуку, адукацыю, выхаванне некалькіх пакаленняў студэнтаў.
30 красавіка на факультэце фізікі і інфармацыйных тэхналогій адбылося ўручэнне дыпломаў магістраў спецыяльнасці “Сістэмы і сеткі інфакамунікацый” дзённай формы навучання. Гэта першы выпуск магістраў дадзенай спецыяльнасці. Два гады таму ў магістратуру паступілі выпускнікі факультэта фізікі і ІТ, якія атрымалі спецыяльнасць не толькі “Аўтаматызаваныя сістэмы апрацоўкі інфармацыі”, але і “Праграмуемыя мабільныя сістэмы”, “Электронныя сістэмы бяспекі”.
Па шэрагу міжнародных рэйтынгаў ВНУ ўваходзіць у 12 працэнтаў вядучых універсітэтаў свету і ў чацвёрку лепшых ВНУ Беларусі. У ім навучаюцца больш за 8500 студэнтаў (1500 замежнікаў). Падрыхтоўка спецыялістаў вядзецца па 47 спецыяльнасцях. У 2021 годзе абвешчаны набор па трох новых напрамках.
Студэнт факультэта псіхалогіі і педагогікі Гомельскага дзяржуніверсітэта, саліст студэнцкага клуба Мікалай ДАРОШКІН стаў лаўрэатам 3-й ступені III Міжнароднага шматжанравага фестывалю-конкурсу творчасці Millennium. Удзельнікі конкурсу маглі прадэманстраваць сваё майстэрства ў вакальнай, выяўленчай, тэатральнай, інструментальнай і харэаграфічнай творчасці.
З 23 па 25 красавіка ў сталіцы Балгарыі, горадзе Сафіі, адбыўся этап Кубка свету па спартыўнай акрабатыцы. У складзе нацыянальнай каманды Рэспублікі Беларусь годна выступілі студэнты факультэта фізічнай культуры нашага ўніверсітэта.
У спаборніцтвах мужчынскіх пар чэмпіёнам стаў другакурснік Аляксей Заяц, а сярэбраны медаль заваяваў студэнт 1 курса Максім Маркевіч.
27 красавіка ў Гомелі праводзіліся спаборніцтвы па спартыўным арыентаванні сярод студэнтаў вышэйшых навучальных устаноў у праграме круглагадовай спартакіяды. Каманду ГДУ імя Ф. Скарыны прадстаўлялі студэнты факультэта фізічнай культуры і геолага-геаграфічнага факультэта. Студэнты спаборнічалі на спрынтарскіх дыстанцыях, у арыентаванні гэта 2,5 і 3 км. Ва ўменні хутка прабегчы дыстанцыю на мясцовасці з компасам і картай студэнты ГДУ паказалі найлепшы вынік і занялі агульнакаманднае 1 месца.
Традыцыйная сустрэча рэктара ўніверсітэта Сяргея Хахомава са студэнцкім актывам адбылася 29 красавіка. Удзельнікамі мерапрыемства сталі прадстаўнікі ўсіх факультэтаў ГДУ. На сустрэчы таксама прысутнічаў прарэктар па выхаваўчай рабоце Юрый Нікіцюк.
З 26 па 30 красавіка на стадыёне ГДУ прайшло першынство ўніверсітэта па футболе сярод мужчын. У спаборніцтвах прынялі ўдзел сем каманд. Па выніках фінальных гульняў III і IV месца было разыграна паміж студэнтамі будучых матэматыкаў і эканамістаў, а I і II – паміж камандамі юрыдычнага і геолага-геаграфічнага факультэтаў.
У Гомелі адбыўся фінал абласнога конкурсу прыгажосці і грацыі “Каралева студэнцтва Гомельшчыны 2021”. Дзесяць прадстаўніц прыгожага полу з усіх ВНУ рэгіёну спаборнічалі за тытул самай абаяльнай і таленавітай. Ад ГДУ імя Францыска Скарыны ўдзельнічала трэцякурсніца філалагічнага факультэта Аляксандра Дрывайла.
Дзяўчаты распавядалі пра сябе ў стылі кінафільма “Я – рэжысёр свайго жыцця!”, дэманстравалі творчыя здольнасці ў вакале, харэаграфіі, ігры на музычных інструментах. Падчас дэфіле паказалі касцюмы сваёй будучай прафесіі.
