XX абласны конкурс "ТэхнаІнтэлект" прайшоў на факультэце фізікі і інфармацыйных тэхналогій ГДУ імя Ф. Скарыны. На суд журы свае распрацоўкі вынеслі больш за 100 юных вынаходнікаў з 18 раёнаў Гомельшчыны.
У студзені 2019 года дыпломы аб заканчэнні магістратуры Гомельскага дзяржаўнага універсітэта імя Ф. Скарыны атрымалі магістранты з Курска, якія навучаюцца ў рамках эксперыментальнага праекта "Падрыхтоўка спецыялістаў у галіне дзяржаўнага кіравання і эканомікі ва ўмовах адаптацыі нацыянальных сістэм вышэйшай адукацыі Саюзнай дзяржавы да прынцыпаў Балонскага працэсу». Дадзены праект рэалізуецца універсітэтам сумесна з Курскай акадэміяй дзяржаўнай і муніцыпальнай службы, пачынаючы з 2017 года.
30 студзеня адбылася сустрэча студэнтаў з Шанхайскага прафесійнага інстытута індустрыі, камерцыі і замежных моў з рэктарам ГДУ імя Ф Скарыны, доктарам фізіка-матэматычных навук, дацэнтам Сяргеем Хахомовым. Хлопцы будуць праходзіць навучанне ў ГДУ па спецыяльнасці «руская філалогія» і праз два гады па выніках прафесійнай падрыхтоўкі атрымаюць дыпломы бакалаўраў.
30 студзеня на факультэце псіхалогіі і педагогікі ва ўрачыстай абстаноўцы былі ўручаны дыпломы магістра псіхалагічных і педагагічных навук. Тыднем раней прайшлі абароны магістарскіх дысертацый магістрантаў завочнай формы навучання. 24 магістранта факультэта псіхалогіі і педагогікі рашэннем дзяржаўнай экзаменацыйнай камісіі прысвоена ступень магістра педагагічных і псіхалагічных навук.
І вось урачысты момант настаў. Апранутыя ў мантыі - знак прыналежнасці да акадэмічнай супольнасці - новаспечаныя магістры з рук дэкана факультэта Уладзіслава Бейзерова атрымалі заслужаныя дыпломы.
31 студзеня на эканамічным факультэце адбылося ўрачыстае ўручэнне дыпломаў магістраў выпускнікам ГДУ імя Ф. Скарыны, якія навучаліся па спецыяльнасцях «Фінансы, грашовае абарачэнне і крэдыт», «Эканоміка і кіраванне народнай гаспадаркай», «Бухгалтарскі ўлік, статыстыка» і «Сусветная эканоміка» . Паспяхова выканалі навучальны план і абаранілі магістарскія дысертацыі ў прадметных галінах па выбраных спецыяльнасцях 27 магістрантаў.
Валанцёры атрада Сузор'е, выкладчыкі Селіванава Ларыса Іванаўна, Зянько Надзея Мікалаеўна і студэнты Касачоў Аляксей і Марыя Кошаль, павіншавалі Рычкова Міхаіла Дзмітрыевіча з 95-годдзем: ўручылі яму падзячны ліст ад універсітэта, падарунак і пачастунак да святочнага стала. Але асабліва задаволены быў Міхась Дзмітрыевіч увазе былых калег, бо некалькі гадоў свайго бясконцага працоўнага стажу ён прысвяціў працы ў адміністрацыі нашага універсітэта. Ён уважліва прачытаў ліст падзякі і падкрэсліў, што вельмі шануе праяўленую да яго ўвагу.
У канцы студзеня ў Санкт-Пецярбургу прайшлі навучальныя курсы па тэорыі і методыцы выкладання адукацыйнай робататэхнікі. Заняткі праводзіліся на базе АТ "Робба" - рэзідэнта інавацыйнага цэнтра "Сколкава" і стваральніка міжнароднай сеткі школ робататэхнікі, праграмавання і 3D-друку. Ад ГДУ імя Ф. Скарыны ў праграме ўзялі ўдзел вядучы інжынер інфармацыйна-вылічальнага цэнтра Яўген Кавалёў і старшы выкладчык кафедры агульнай фізікі Аляксандр Пабiяха.
У канцы студзеня на завочным факультэце завяршылася першая сесія ў студэнтаў спецыяльнасці "Аўтаматызаваныя сістэмы апрацоўкі інфармацыі», якія навучаюцца ў дыстанцыйнай форме. Хлопцы, якія вырашылі спасцігаць гэтую спецыяльнасць у дыстанцыйнай форме, працуюць у розных сферах. Гэта і супрацоўнікі органаў унутраных спраў, і работнікі прадпрыемстваў дрэваапрацоўкі і нафтаперапрацоўкі, і спартсмены. У перапынку паміж заняткамі, залікі і экзаменамі мы задалі студэнтам некалькі пытанняў.
25 студзеня ў НАН Беларусі адбылося рэспубліканскі сход навуковай грамадскасці, прысвечаны Дню беларускай навукі. У мерапрыемстве ўзялі ўдзел каля пяцісот прадстаўнікоў акадэмічнай, вузаўскай і галіновай навукі, маладыя навукоўцы, кіраўнікі міністэрстваў і ведамстваў, вышэйшых навучальных устаноў Беларусі. Лепшым вучоным і даследчыкам краіны былі ўручаны ўзнагароды.
У рамках мерапрыемстваў, прысвечаных 100-годдзю з дня ўтварэння БССР, 25 2019 года адбылося ўрачыстае ўшанаванне заслужаных работнікаў Цэнтральнага раёна г. Гомеля. За вялікі асабісты ўклад у сацыяльна-эканамічнае развіццё Гомельскай вобласці і ў сувязі са святкаваннем 100-годдзя абвяшчэння Беларускай Савецкай Сацыялістычнай Рэспублікі Ганаровай граматай Гомельскага абласнога выканаўчага камітэта і Гомельскага абласнога Савета дэпутатаў і памятным знакам быў узнагароджаны Аляксандр Уладзіміравіч Рагачоў, дырэктар навукова-даследчага фізіка- хімічнага інстытута ГДУ імя Ф.
