Рэктар універсітэта Сяргей Хахомаў і судэрэктара Інстытута Канфуцыя пры ГДУ імя Ф. Скарыны Аляксандр Рагачоў і Цзы Імін прымаюць удзел у Сусветнай канферэнцыі па кітайскай мове ў Пекіне. Падчас мерапрыемства адбылася рабочая сустрэча Сяргея Хахомава з кіраўніцтвам Нанкінскага ўніверсітэта навукі і тэхналогій.

Партнёры абмеркавалі далейшыя перспектывы развіцця Інстытута Канфуцыя пры ГДУ імя Ф. Скарыны, а таксама рэалізацыю шэрагу сумесных навуковых праектаў.

Сёлета спаўняецца 35 гадоў з часу надання Гомельскаму дзяржаўнаму ўніверсітэту імя Францыска Скарыны. Наша ВНУ нездарма носіць імя славутага вучонага, асветніка і першадрукара, чый партрэт знаходзіцца ў ганаровай Зале Сарака Падуанскага ўніверсітэта. Наша навучальная ўстанова — другая на тэрыторыі сучаснай Беларусі пасля БДУ, якой быў нададзены ганаровы статус універсітэта. Як трэба адзначыць і тое, што другімі мы сябе не лічым. Адзін з кірункаў дзейнасці кафедры беларускай літаратуры — вывучэнне багатай літаратуры і культуры Гомельшчыны.

6 снежня рэктару ўніверсітэта Сяргею Хахамова і дырэктару Навукова-даследчага фізіка-хімічнага інстытута ГДУ Аляксандру Рагачову прысвоены званні ганаровых прафесараў Баодзінскага тэхналагічнага ўніверсітэта. Прадстаўнікі нашага ўніверсітэта выступілі з дакладамі перад прафесарска-выкладчыцкім складам і студэнтамі кітайскай ВНУ-партнёра. Аўдыторыя цікавілася перавагамі навучання ў Беларусі, сувязямі нашай краіны з КНР, дасягненнямі нашага ўніверсітэта, магчымасцямі навучання ў магістратуры і аспірантуры ГДУ.

Студэнты, выкладчык і супрацоўнікі універсітэта далучыліся да анлайн-пасяджэння міжнароднага маладзёжнага дыскусійнага клуба "Таўрычны" па тэме "Дыстанцыйнае электроннае галасаванне: адкрытасць і давер".

У рабоце дыскусійнага клуба прынялі ўдзел Старшыня ЦВК Рэспублікі Беларусь Ігар Карпенка, службовыя асобы Міжпарламенцкай Асамблеі дзяржаў, студэнты і выкладчыкі ўстаноў вышэйшай адукацыі, а таксама прадстаўнікі маладзёжных выбарчых камісій і Маладзёжнага савета пры Цэнтральнай выбарчай камісіі Рэспублікі Беларусь.

28–29 лістапада 2023 г. у Гомельскім дзяржаўным універсітэце імя Францыска Скарыны адбылася V Міжнародная навуковая канферэнцыя маладых даследчыкаў "Крок у навуку: праблемы, пошукі, рашэнні". Канферэнцыя праводзілася кафедрай рускага, агульнага і славянскага мовазнаўства пры падтрымцы прадстаўніцтва Россупрацоўніцтва ў Беларусі і Расійскага цэнтра навукі і культуры ў г.Гомелі ў рамках Міжнароднага культурна-адукацыйнага і навуковага мерапрыемства "Славянскія сустрэчы". Суарганізатарам канферэнцыі выступіў Магнітагорскі дзяржаўны тэхнічны ўніверсітэт імя Г.І. Носава.

Сёлетні юбілей вызвалення Гомеля ад нямецка-фашысцкіх захопнікаў – знамянальны: 80 гадоў.

21 лістапада ўніверсітэт наведала дэлегацыя Хэцзэскага ўніверсітэта (КНР). З 2021 г. ГДУ імя Ф. Скарыны і Хэцзэскі ўніверсітэт рэалізуюць сумесную адукацыйную праграму па спецыяльнасці «Фізіка». У ходзе сустрэчы з першым прарэктарам Андрэем Крукам абмяркоўваўся ход рэалізацыі сумеснага праекта, а таксама далейшыя перспектывы двухбаковага супрацоўніцтва. Госці з КНР наведалі факультэт фізікі і інфармацыйных тэхналогій, пазнаёміліся з прафесарска-выкладчыцкім складам і матэрыяльна-тэхнічнай базай факультэта.

Шматлікімі патрыятычнымі мерапрыемствамі адзначаюцца лістападаўскія дні ў сувязі з 80-мі ўгодкамі вызвалення Гомеля ад нямецка-фашысцкіх захопнікаў. Безумоўна, не застаўся ў баку ад гэтай слаўнай гістарычнай падзеі і наш Гомельскі абласны музей ваеннай славы, які, у асобе Вікторыі Мікалаеўны Заяц, яшчэ раней чым за месяц запрасіў нашых студэнтаў на агляд відовішчнай імпрэзы, ваенна-гістарычнай рэканструкцыі, што адбылася на тэрыторыі мемарыяльнага комплексу “Партызанская крынічка” недалёка ад Чонак.

Дэлегацыя Гомельскага дзяржаўнага ўніверсітэта імя Францыска Скарыны на чале з прарэктарам па выхаваўчай рабоце Дзмітрыем Хадановічам прымае ўдзел у форуме «Масты дружбы», які праходзіць з 17 па 19 лістапада на пляцоўцы Пскоўскага дзяржаўнага ўніверсітэта.