27 красавіка на базе гістарычнага факультэта прайшла віктарына “Алея герояў: летапіс ратнага подзвігу землякоў”. Для беларускага народа гісторыя Вялікай Айчыннай вайны – найважнейшы элемент гістарычнай памяці, які фарміруе духоўныя каштоўнасці. Асноўная мэта інтэлектуальнага спаборніцтва – выхаванне пачуцця патрыятызму ў студэнцкай моладзі праз далучэнне да ваенна-гістарычнага мінулага краіны і подзвігаў нашых герояў-землякоў.
У рамках адзінага дня інфармавання на тэму “Захаванне гістарычнай памяці пра перамогу савецкага народа ў Вялікай Айчыннай вайне” член Савета Рэспублікі Нацыянальнага сходу Рэспублікі Беларусь, начальнік Гомельскай мытні Фелікс Яшкоў правёў сустрэчу са студэнтамі і супрацоўнікамі ГДУ імя Ф. Скарыны. На мерапрыемстве таксама прысутнічалі рэктар вядучай ВНУ рэгіёну Сяргей Хахомаў і намеснік начальніка мытні Сяргей Парфёнаў, які выступіў перад аўдыторыяй з дакладам пра важнасць захавання гістарычнай памяці пра Вялікую Айчынную вайну.
З 22 па 24 красавіка на базе “РЦАП Стайкі” ў Мінску прайшла спартакіяда ДЮСШ 2003-2005 г.н. (U-18) па дзюдо.
На вышэйшую прыступку п’едэстала гонару паднялася першакурсніца факультэта фізічнай культуры Паліна Слесарэнка (катэгорыя да 63 кг).
Віншуем Паліну! Так трымаць!
Марына Кажадуб, кіраўнік спартыўнага прэс-цэнтра
Ужо шосты раз на базе эканамічнага факультэта Гомельскага дзяржуніверсітэта адбылася рэгіянальная алімпіяда па кірунку “Эканоміка арганізацыі”. Удзельнікамі інтэлектуальнага спаборніцтва сталі прадстаўнікі пяці каледжаў і ўніверсітэтаў Гомельшчыны: Гомельскага дзяржаўнага аграрна-эканамічнага каледжа, Гомельскага дзяржаўнага тэхнічнага ўніверсітэта імя П.В. Сухога, Беларускага гандлёва-эканамічнага ўніверсітэта спажывецкай кааперацыі, Гомельскага дзяржаўнага ўніверсітэта імя Ф. Скарыны і Мазырскага дзяржаўнага палітэхнічнага каледжа.
Кафедра рускага, агульнага і славянскага мовазнаўства Гомельскага дзяржаўнага ўніверсітэта імя Францыска Скарыны працягвае добрую традыцыю падтрымкі абласнога конкурсу рытарычнага майстэрства. Сёлета прадстаўнікі кафедры склалі большасць членаў журы, якія ацэньваюць майстэрства юных Цыцэронаў.
24 красавіка ў АКЦ адбыўся фінал конкурсу “Міс і Містар Гомельская вобласць”. У прэстыжным конкурсе прынялі ўдзел адразу тры прадстаўнікі Гомельскага дзяржаўнага ўніверсітэта імя Францыска Скарыны: студэнт геолага-геаграфічнага факультэта Цімафей Адаськоў, студэнтка філалагічнага факультэта Аляксандра Дрывайла і студэнтка факультэта псіхалогіі і педагогікі Крысціна Лялюхова.
Больш за 700 чалавек далучыліся да штогадовага вясновага велапрабегу, які адбыўся 25 красавіка. Заезд стартаваў ад медыцынскага ўніверсітэта, пралягаў па вуліцах Савецкай, Хатаевіча, “Ўсходняму абыходу”, Чачэрскай, Свірыдава, Агарэнкі, Мазурава, фінальнай кропкай руху стала пляцоўка перад Лядовым палацам. Агульная працягласць маршруту склала 12 кіламетраў.
Колькасць карыстальнікаў мэсэнджара Telegram штодня павялічваецца на сотні тысяч. Менавіта факт імклівага развіцця і росту папулярнасці сеткі падштурхнуў супрацоўнікаў найбуйнейшага адукацыйнага і навуковага цэнтра Палесся да ідэі стварэння чат-бота для абітурыентаў. Тым больш, што ўжо зусім хутка стартуе ўступная кампанія 2021 года.
На базе Полацкага дзяржаўнага ўніверсітэта Міністр адукацыі Рэспублікі Беларусь Ігар Карпенка правёў семінар-нараду “Аб заканчэнні 2020/2021 навучальнага года і падрыхтоўцы да 2021/2022 навучальнага года ва УВА” з кіраўнікамі ўстаноў вышэйшай адукацыі. У мерапрыемстве прыняў удзел рэктар ГДУ імя Францыска Скарыны Сяргей Хахомаў.
