28 верасня адбылася I Міжнародная навукова-практычная канферэнцыя "Перспектывы развіцця турызму ў сучасных умовах: сусветныя тэндэнцыі і рэгіянальныя кантэксты". Арганізатарамі мерапрыемства выступілі Дэпартамент па турызме Міністэрства спорту і турызму Рэспублікі Беларусь, Дзяржаўная ўстанова "Нацыянальнае агенцтва" па турызме і Нацыянальная акадэмія навук Беларусі. Канферэнцыя прысвечана Сусветнаму дню турызму і 20-годдзю Нацыянальнага агенцтва па турызме.
У гасцініцы "Прэзідэнт Гатэль" у горадзе Мінск былі арганізаваны пленарнае і секцыйныя пасяджэнні. На адкрыцці пленарнага пасяджэння ў прывітальным звароце Сяргея Кавальчука, Міністра спорту і турызму Рэспублікі Беларусь было падкрэслена, што турызм становіцца важным сродкам грамадзянска-патрыятычнага выхавання моладзі і захавання гісторыка-культурнай спадчыны краіны.
На секцыйных пасяджэннях прадоўжылася абмеркаванне ключавых тэндэнцый і перспектыў развіцця турыстычнай індустрыі на сучасным этапе. Загадчык кафедры міжкультурных камунікацый і міжнароднага турызму Таццяна Пачынок выступіла з дакладам "Асаблівасці профільнай падрыхтоўкі спецыялістаў для турыстычнай індустрыі", які апублікаваны ў зборніку матэрыялаў канферэнцыі.
Для ўдзельнікаў мерапрыемства была арганізавана экскурсійная прэзентацыя спартыўнага турызму на прыкладзе дзяржаўнай культурна-спартыўнай установы "Чыжоўка-Арэна". Быў прадэманстраваны ўнікальны, комплексны і шматпрофільны патэнцыял для падрыхтоўкі спартсменаў.
Мы віншуем Нацыянальнае агенцтва па турызме з юбілеем, жадаем калегам поспеху і развіцця!
Дзякуем за запрашэнне ўдзельнічаць у мерапрыемстве, за выдатную арганізацыю, за вельмі прыемныя ўражанні і выказваем надзею на далейшае плённае супрацоўніцтва!
Таццяна Пачынок, загадчык кафедры МКК і МТ
