Літаратар, педагог і сапраўдны герой. 100 гадоў споўнілася ветэрану Вялікай Айчыннай вайны з Гомеля Алегу Пліндаву. Юбіляра наведалі прадстаўнікі гарадскіх улад і парламента. З рук мэра Гомеля Алег Назаравіч атрымаў свой новы "пашпарт стагоддзя". А ў двары дома, дзе жыве ветэран, моладзь падрыхтавала імянінніку вялікі сюрпрыз - з музыкай, песнямі, цёплымі віншаваннямі і шчырай удзячнасцю за ўклад у Вялікую Перамогу.
Таццяна Макаранка, дацэнт кафедры Гомельскага дзяржаўнага ўніверсітэта імя Ф. Скарыны:
Сёння мы, студэнты і валанцёры атрада "Ветэран" ГДУ ім. Ф. Скарыны, прыйшлі павіншаваць Алега Назаравіча і пакланіцца яму не толькі за мужнасць, праяўленую падчас вайны, але і за тую шматгадовую працу ў выхаванні моладзі.
Алег Пліндаў, ветэран Вялікай Айчыннай вайны:
Гады як быццам павіслі над маёй белай галавой, а яшчэ не асэнсаваў, што ўсё гэта было са мной. На фронце ваяваў актыўна, хоць быў часам і не адважны. Шчасліва Перамогі дачакаўся і фрыцам наліха ацалеў!
Алег Пліндаў сустрэў вайну студэнтам літаратурнага факультэта Магілёўскага педінстытута. Прайшоў праз Заходні фронт, а таксама Калінінскі і 3-ці Беларускі, мае баявыя ўзнагароды. Пасля Перамогі працаваў у сферы адукацыі, актыўна займаўся паэзіяй. Франтавік выпусціў некалькі зборнікаў вершаў.
